ສາຍການບິນຍຸກໃໝ່ Vietjetໄດ້ປະສົບຜົນສໍາເລັດຢ່າງໃຫຍ່ຫຼວງ  ໃນງານສິງກະໂປ Airshow 2024

ສາຍການບິນຍຸກໃໝ່ Vietjetໄດ້ປະສົບຜົນສໍາເລັດຢ່າງໃຫຍ່ຫຼວງ  ໃນງານສິງກະໂປ Airshow 2024
ໃນວັນທີ 23 ກຸມພາ ຜ່ານມາ, ສາຍການບິນຍຸກໃໝ່ Vietjetໄດ້ປະສົບຜົນສໍາເລັດຢ່າງໃຫຍ່ຫຼວງ ໃນງານສິງກະໂປ Airshow 2024. ບໍລິສັດໄດ້ປະກາດຂໍ້ຕົກລົງໃຫຍ່ກັບຜູ້ນໍາອຸດສາຫະກໍາ Airbus, Rolls-Royce, RTX's Pratt & Whitney ແລະ Safran ອອກແບບເພື່ອເສີມຂະຫຍາຍ, ສ້າງຄວາມເຂັ້ມແຂງ ແລະ ສະໜັບສະໜູນການຂະຫຍາຍຕາໜ່າງການບິນ ແລະ ການບິນໃນອະນາຄົດ ເພື່ອທີ່ຈະສະແດງໃຫ້ເຫັນຄວາມມຸ່ງໝັ້ນດ້ານຄວາມປອດໄພ, ການມີປະສິດທິພາບ ແລະ ຄວາມຍືນຍົງ.
1.    ສາຍການບິນ Vietjetແລະ Airbus ປະກາດສັ່ງຈອງເຮືອບິນ Widebody A330neo 20 ລຳVietjetແລະ Airbus ໄດ້ລົງນາມໃນບົດບັນທຶກຄວາມເຂົ້າໃຈ ສໍາລັບການຊື້ເຮືອບິນ A330neo (A330-900) widebodies 20 ລຳຊຶ່ງເປັນໜຶ່ງໃນບັນດາຂໍ້ຕົກລົງທີ່ສຳຄັນທີ່ສຸດໃນງານ ສິງກະໂປ Airshow 2024. ການລົງທຶນຄັ້ງນີ້ເປັນເຮືອບິນຂະໜາດໃຫຍ່ທີ່ສຸດຂອງ Vietjetຈົນເຖິງປັດຈຸບັນຊຶ່ງໄດ້ເນັ້ນເຖິງຄວາມມຸ່ງໝັ້ນ ຂອງສາຍການບິນໃນການຂະຫຍາຍຕາໜ່າງການບິນ ແລະ ການຫັນຄວາມເປັນທັນສະໄໝຂອງເຮືອບິນ.ເຮືອບິນດັ່ງກ່າວຈະດໍາເນີນການຢູ່ໃນການຂະຫຍາຍຕາໜ່າງການບິນໄລຍະຍາວຂອງຜູ້ໃຫ້ບໍລິການ, ຕະຫຼອດ ຈົນເຖິງການບໍລິການລະດັບພາກພື້ນທີ່ມີຄວາມສາມາດສູງ. ພວກເຂົາຈະເອົາ A330neo ມາແທນທີ່ເຮືອບິນ A330-300s ທີ່ເຊົ່າໃນປັດຈຸບັນ. ເຮືອບິນ A330neo ອອກແບບໃຫ້ມີປະສິດທິພາບເພື່ອສອດຄ່ອງກັບຍຸດທະສາດການພັດທະນາແບບຍືນຍົງ ແລະ ເປົ້າໝາຍ ESG ຂອງ Vietjet, ໂດຍຕັ້ງເປົ້າໝາຍທີ່ຈະຫຼຸດຜ່ອນການປ່ອຍມົນລະພິດໃຫ້ເປັນສູນພາຍໃນປີ 2050. ໃນເຮືອບິນ A330neo ລຸ້ນໃໝ່ ສາຍການບິນ Vietjetຫວັງວ່າຈະສະໜອງຖ້ຽວບິນໃຫ້ຜູ້ໂດຍສານໃນໄລຍະຍາວ ແລະ ບໍລິການ ເຮຶອບິນທີ່ມີປະສິດທິພາບ ພ້ອມກັບການບໍລິການທີ່ໂດດເດັ່ນໃນລາຄາທີ່ຖືກ.
ເຮືອບິນ A330neo ໄດ້ນຳສະເໜີຫ້ອງໂດຍສານ Airspace ທີ່ໄດ້ຮັບລາງວັນ, ພ້ອມຮັບປະກັນປະສົບການ ການເດີນທາງທີ່ສະດວກສະບາຍດ້ວຍພື້ນທີ່ທີ່ກວ້າງຂຶ້ນ ແລະ ມີສິ່ງອໍານວຍຄວາມສະດວກທີ່ທັນສະໄໝ. ເຮຶອບິນ A330neo ຂັບເຄື່ອນດ້ວຍເຄື່ອງຈັກ Rolls-Royce Trent 7000, ທີ່ສາມາດບິນບໍ່ຢຸດໄດ້ດ້ວຍຄວາມໄວ 7,200 nm/13,300 ກິໂລແມັດ.
2.    ສາຍການບິນ Vietjetເລືອກເຄື່ອງຈັກ Trent 7000 ຂອງ Rolls-Royce ມາຂັບເຄື່ອນດ້ວຍ A330neo 20 ລຳ.Vietjetແລະ Rolls-Royce ປະກາດເຖິງຄວາມມຸ່ງໝັ້ນໃນການຈັດຊື້ເຮືອບິນ A330neo 20 ລຳ ທີ່ຂັບເຄື່ອນດ້ວຍເຄື່ອງຈັກ Trent 7000. ການເພີ່ມເຮຶອບິນນີ້ຈະເປັນການເສີມສ້າງເຮືອບິນ Widebody ຂອງ ເຮືອບິນ A330ceo 7 ລຳ ທີ່ຂັບເຄື່ອນດ້ວຍເຄື່ອງຈັກ Trent 700.ເຄື່ອງຈັກ Trent 7000 ທີ່ມາພ້ອມແນວຄິດດ້ານຄວາມຍືນຍົງ ສາມາດປະຢັດນໍ້າມັນເຊື້ອໄຟໄດ້ເຖິງ 14% ຕໍ່ບ່ອນນັ່ງ ພ້ອມທັງຫຼຸດຜ່ອນການປ່ອຍມົນລະພິດຢ່າງຫຼວງຫຼາຍ. ການຫຼຸດຜ່ອນການປ່ອຍມົນລະພິດນີ້ຈະຊ່ວຍໃຫ້ Vietjetຫຼຸດປະລິມານກາສກາກໂບນິກ (CO2) ໄດ້ຫຼາຍກວ່າ 100.000 ໂຕນຕໍ່ເຮືອບິນ ຕະຫຼອດອາຍຸການໃຊ້ງານ. ນີ້ເປັນການຂະຫຍາຍການດຳເນີນການທີ່ມີຄວາມຮັບຜິດຊອບ ແລະ ຍືນຍົງໃນອະນາຄົດຕະຫຼອດຫຼາຍປີທີ່ຜ່ານມາ.
ເມື່ອເຄື່ອງຈັກ Trent 7000 ຖືກຕິດຕັ້ງໃສ່ເຮືອບິນ Airbus A330neo, ຈະຊ່ວຍຊຸກຍູ້ໃຫ້ສາຍການບິນ Vietjetກ້າວຂຶ້ນສູ່ລະດັບເຕັກໂນໂລຊີທີ່ໃໝ່ ແລະ  ໂດດເດັ່ນເພື່ອເພີ່ມຄຸນນະພາບສາຍການບິນໃຫ້ມີປະສິດທິພາບຢ່າງຫຼວງຫຼາຍ ແລະ ໃນເວລາດຽວກັນ, ມັນຈະຊ່ວຍເພີ່ມຄວາມໜ້າເຊື່ອຖື ແລະ ປະສິດທິພາບໃນການດໍາເນີນງານເຊັ່ນດຽວກັນ.
3.    Vietjetເລືອກເຄື່ອງຈັກ Pratt & Whitney RTX ເພື່ອຂັບເຄື່ອນເຮືອບິນ A321neo ເພີ່ມຕື່ມອີກ 19 ລຳ,
Vietjetໄດ້ໃຊ້ສິດໃນການຊື້ເຮືອບິນ A321neo ທີ່ຂັບເຄື່ອນດ້ວຍ GTF ເພີ່ມອີກຈຳນວນ 19 ລຳ ຈາກບໍລິສັດ Pratt & Whitney, ບໍລິສັດໃນເຄຶອ RTX. ການເຄື່ອນໄຫວຍຸດທະສາດນີ້ຍັງລວມເຖິງຂໍ້ຕົກລົງການບໍລິການ ຂອງ EngineWise®. ສໍາລັບການບໍາລຸງຮັກສາເຄື່ອງຈັກ. ໃນພິທີລົງນາມໄດ້ຈັດຂຶ້ນລະຫວ່າງງານ Airshow, ເພື່ອຢືນຢັນການຮ່ວມມືຢ່າງຕໍ່ເນື່ອງລະຫວ່າງ ສາຍການບິນ Vietjetແລະ Pratt & Whitney.
Vietjetໝັ້ນໃຈຕໍ່ເຕັກໂນໂລຊີຂອງ Pratt & Whitney, ທີ່ເນັ້ນໜັກເຖິງປະສິດທິພາບດ້ານພະລັງງານ ແລະ ຜົນປະໂຫຍດດ້ານສິ່ງແວດລ້ອມຂອງເຮືອບິນທີ່ຂັບເຄື່ອນດ້ວຍ GTF. ດ້ວຍການຂະຫຍາຍຕົວນີ້ ຄວາມມຸ່ງໝັ້ນຂອງ Vietjetຕໍ່ກັບເຄື່ອງຈັກ GTF ໄດ້ເພີ່ມຂຶ້ນເປັນ 87 ລຳ ເພື່ອຮອງຮັບຂະບວນການບິນທີ່ນັບມື້ນັບຂະຫຍາຍຕົວ.
ເຄື່ອງຈັກ Pratt & Whitney GTF ຈະຖືກສະໜອງໃຫ້ Vietjetຊຶ່ງເປັນໜຶ່ງໃນເຄື່ອງຈັກທີ່ມີປະລິມານ ການໃຊ້ນໍ້າມັນ ແລະ ການປ່ອຍມົນລະພິດຕໍ່າທີ່ສຸດໃນພາກພື້ນ.
4.    Vietjetແລະ Safran ປະກາດການຮ່ວມມືຍຸດທະສາດກ່ຽວກັບອຸປະກອນຄວາມປອດໄພໃນເຮືອບິນ B737MAXVietjetແລະ Safran AeroSystems ປະກາດການຮ່ວມມືຍຸດທະສາດເພື່ອສະໜອງອຸປະກອນຄວາມປອດໄພ ໃຫ້ແກ່ເຮືອບິນ B737MAX ຂອງ Vietjet. ການຄັດເລືອກປະກອບດ້ວຍອົງປະກອບຄວາມປອດໄພທີ່ສໍາຄັນເຊັ່ນ: ເຮືອຊູຊີບ, ອຸປະກອນປ້ອງກັນລະບົບຫາຍໃຈ, ໜ້າກາກລູກເຮືອ, ເສື້ອຊູຊີບ ແລະ ໜ່ວຍງານບໍລິການ ສະໜັບສະໜູນທີ່ກ່ຽວຂ້ອງ.
ດ້ວຍການເອົາໃຈໃສ່ເຖິງເຕັກໂນໂລຊີທີ່ທັນສະໄໝ ແລະ ຄວາມໜ້າເຊື່ອຖື, Safran AeroSystems ຈະຍົກສູງມາດຕະຖານຄວາມປອດໄພທົ່ວການເຄື່ອນໄຫວຂອງ Vietjet. ຜະລິດຕະພັນ Safran AeroSystems ໄດ້ຖືກເລືອກເນື່ອງຈາກມີວິທີແກ້ໄຂບັນຫາໃໝ່ໆ ແລະ ຄວາມມຸ່ງໝັ້ນຂອງພວກເຂົາເພື່ອຄວາມເປັນເລີດ ໃນການອອກແບບອຸປະກອນຄວາມປອດໄພທີ່ທັນສະໄໝ.
ດ້ວຍເຮືອບິນກວ່າ 105 ລຳ ແລະ ການຂົນສົ່ງຜູ້ໂດຍສານເພີ່ມຂຶ້ນຢ່າງບໍ່ຢຸດຢັ້ງ, Vietjetຕັ້ງໃຈຂະຫຍາຍຕາໜາງການບິນໄປຫາຈຸດໝາຍປາຍທາງໃນທົ່ວຫວຽດນາມ, ອົສຕຣາລີ, ອິນເດຍ, ຈີນ, ຍີ່ປຸ່ນ, ເກົາຫຼີໃຕ້, ອິນໂດເນເຊຍ, ໄທ ແລະ ຈຸດໝາຍປາຍທາງລະຫວ່າງທະວີບ. ສາຍການບິນ Vietjetໄດ້ມຸ່ງໝັ້ນທີ່ຈະຈັດຫາ ປະສົບການການບິນທີ່ດີທີ່ສຸດໃນລາຄາທີ່ດີທີ່ສຸດໃຫ້ແກ່ຜູ້ໂດຍສານຂອງຕົນ ໂດຍຜ່ານການຮ່ວມມືຍຸດທະສາດ ກັບບັນດາຄູ່ຮ່ວມການບິນ ແລະ ເຕັກໂນໂລຊີຊັ້ນນໍາຂອງອຸດສາຫະກໍາໃນທົ່ວໂລກ.
  ໃນວັນທີ 25 ກຸມພາ ຜ່ານມາ, ສາຍການບີນ Vietjetເປີດຖ້ຽວບິນກົງລະຫວ່າງນະຄອນຫຼວງວຽງຈັນ ແລະ ນະຄອນໂຮ່ຈິມິນ 4 ຖ້ຽວຕໍ່ອາທິດ (ວັນຈັນ, ວັນພຸດ, ວັນສຸກ ແລະ ວັນອາທິດ) ເວລາເດີນທາງພຽງແຕ່ 1 ຊົ່ວໂມງ 45 ນາທີ ຊຶ່ງເປັນການເດີນທາງທີ່ສະດວກ ແລະ ຄຸ້ມຄ່າທີ່ສຸດ ພ້ອມທີ່ຈະໃຫ້ບໍລິການ ແລະ ຮອງຮັບໃຫ້ແກ່ຜູ້ໂດຍສານ ຈາກລາວ, ໂດຍສະເພາະຜູ້ທີ່ວາງແຜນທີ່ຈະເດີນທາງໃນໄລຍະວັນພັກທີ່ຈະມາເຖິງນີ້.ຂໍ້ມູນເພີ່ມຕື່ມທີ່ www.vietjetair.com
ຂ່າວ: ຕຸໄລເພັດ

ຄໍາເຫັນ

ຂ່າວການຮ່ວມມື

ລັດຖະມົນຕີກະຊວງ ສສກ ຕ້ອນຮັບທູດປະເທດເພື່ອນມິດ

ລັດຖະມົນຕີກະຊວງ ສສກ ຕ້ອນຮັບທູດປະເທດເພື່ອນມິດ

ໃນວັນທີ 14 ກໍລະກົດ ນີ້, ທ່ານ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ (ສສກ) ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ແລະ ພົບປະຂອງທ່ານນາງ ເມແກນ ໂຈນສ (Megen Jones) ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ອົສຕຣາລີ ປະຈຳສປປ ລາວ ແລະ ທ່ານ ໂທມັດ ລາມມາ (Thomas Lammar) ອຸປະທູດແຫ່ງຣາຊະອານາຈັກລຸກຊຳບວກປະຈຳ ສປປ ລາວ ພ້ອມຄະນະ ໃນໂອກາດທີ່ ທ່ານ ທອງສະລິດ ມັງໜໍ່ເມກ ໄດ້ຖືກແຕ່ງຕັ້ງໃຫ້ມາດຳລົງຕຳແໜ່ງເປັນລັດຖະມົນຕີກະຊວງ ສສກ ຄົນໃໝ່.
ສະແດງສີລະປະວັດທະນະທຳຮ່ວມໃຈ ໄທ - ລາວ

ສະແດງສີລະປະວັດທະນະທຳຮ່ວມໃຈ ໄທ - ລາວ

ເມື່ອບໍ່ດົນມານີ້, ທ່ານນາງ ມໍຣະກົດ ສີສະຫວັດ ເອກອັກຄະຣາຊະທູດໄທ ປະຈຳ ສປປ ລາວ ເປັນປະທານເປີດງານການສະແດງສີລະປະວັດທະນະທຳຮ່ວມໃຈ ໄທ-ລາວ ໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງໄທ - ສປປ ລາວ ຄົບຮອບ 75 ປີ ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ. ໂດຍການເຂົ້າຮ່ວມຂອງ ທ່ານນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ ສປປ ລາວ ໂດຍມີແຂກຖືກເຊີນເຂົ້າຮ່ວມຮັບຊົມ.
ໜັງສືພິມປະຊາຊົນ ຕ້ອນຮັບຄະນະສື່ມວນຊົນ ສປ ຈີນ

ໜັງສືພິມປະຊາຊົນ ຕ້ອນຮັບຄະນະສື່ມວນຊົນ ສປ ຈີນ

ໃນວັນທີ 11 ກໍລະກົດ ຜ່ານມາ ທີ່ໜັງສືພິມປະຊາຊົນ, ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ ໄດ້ຕ້ອນຮັບການມາຢ້ຽມຢາມແລະພົບປະຂອງຄະນະສື່ມວນຊົນສູນສື່ສານອາຊີ-ປາຊີຟິກ ກົມພາສາຕ່າງປະເທດ ແລະ ພິມຈໍາໜ່າຍປຶ້ມແຫ່ງປະເທດຈີນ ຊຶ່ງນໍາໂດຍທ່ານ ອ້ວງ ຫານຟີ້ງ(Wang Hanping) ຮອງສູນສື່ສານຫົວໜ້າສູນການສື່ສານອາຊີ-ປາຊີຟິກ ກົມພາສາຕ່າງປະເທດ ແລະ ການພິມຈໍາໜ່າຍປຶ້ມແຫ່ງປະເທດຈີນ ພ້ອມດ້ວຍຄະນະ. ການມາຢ້ຽມຢາມຄັ້ງນີ້ໂດຍປະຕິບັດຕາມໜັງສືເຊີນຂອງໜັງສືພິມປະຊາຊົນສຽງຂອງສູນກາງພັກ, ຄະນະໂຄສະນາອົບຮົມສູນກາງພັກ ເພື່ອພົບປະກັບໜັງສືພິມປະຊາຊົນ ແລະ ເຄື່ອນໄຫວເກັບກໍາຂ່າວ, ສ້າງສາລະຄະດີຈີນ-ອາຊຽນຮ່ວມກັນຂ້າມພູທະເລ ໃນລະຫວ່າງວັນທີ 9-12 ກໍລະກົດ 2025.
ທ່ານ ທອງສະຫວັນ ພົມວິຫານ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ກັບ ຄູ່ຮ່ວມເຈລະຈາອາຊຽນ

ທ່ານ ທອງສະຫວັນ ພົມວິຫານ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ກັບ ຄູ່ຮ່ວມເຈລະຈາອາຊຽນ

ວັນທີ 10 ມິຖຸນາ ນີ້ ທີ່ ກົວລາລໍາເປີ ປະເທດມາເລເຊຍ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ກັບ ບັນດາປະເທດຄູ່ເຈລະຈາ ຊຶ່ງປະກອບດ້ວຍ: ກອງປະຊຸມລັດຖະມົນຕີຕ່າງປະເທດ ລະຫວ່າງ ອາຊຽນ ກັບ ຈີນ, ອົສຕຣາລີ, ການາດາ, ອິນເດຍ, ນິວຊີແລນ, ຍີ່ປຸ່ນ, ຣັດດເຊຍ, ສ ເກົາຫຼີ, ສ ອາເມຣິກາ ແລະ ກອງປະຊຸມລັດຖະມົນຕີຕ່າງປະເທດອາຊຽນບວກສາມ ຄັ້ງທີ 26 ຕາມລໍາດັບ.
ກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ຍີ່ປຸ່ນ ຄັ້ງທີ 16

ກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ຍີ່ປຸ່ນ ຄັ້ງທີ 16

ໃນວັນທີ 10 ກໍລະກົດ ນີ້, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນຳພາຄະນະຜູ້ແທນ ເຂົົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ຍີ່ປຸ່ນ ຄັ້ງທີ 16 ທີ່ ຫໍປະຊຸມແຫ່ງຊາດ ກົວລາລຳເປີ ປະເທດ ມາເລເຊຍ ຊຶ່ງຈັດຂຶ້ນຄຽງຄູ່ກັບກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 58 ພາຍໃຕ້ການເປັນປະທານຮ່ວມຂອງ ທ່ານ Bui Thanh Son ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສສ ຫວຽດນາມ ແລະ ທ່ານ IWAYA Takeshi ລັດຖະມົນຕີກະຊວງການຕ່າງປະເທດ ແຫ່ງ ຍີ່ປຸ່ນ, ຊຶ່ງມີບັນດາລັດຖະມົນຕີ ແລະ ຫົວໜ້າຄະນະຜູ້ແທນຈາກປະເທດສະມາຊິກແມ່ນໍ້າຂອງ ຄື: ກຳປູເຈຍ, ສປປ ລາວ, ມຽນມາ, ໄທ ແລະ ສສ ຫວຽດນາມ ເຂົ້າຮ່ວມ.​
ລາວ - ສ ເກົາຫຼີ ລົງນາມຈັດສົ່ງແຮງງານໄປເຮັດວຽກລະດູການ

ລາວ - ສ ເກົາຫຼີ ລົງນາມຈັດສົ່ງແຮງງານໄປເຮັດວຽກລະດູການ

ທ່ານ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ໃຫ້ກຽດຕ້ອນຮັບທ່ານ Park Yomg Cheol ເຈົ້າເມືອງກັງຮວາ ນະຄອນອິນຊອນ ສ ເກົາຫຼີ ໃນໂອກາດມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃນວັນທີ 10 ກໍລະກົດ ຜ່ານມາ.
ລມຕ ຕ່າງປະເທດ ລາວ - ຣັດເຊຍ ພົບປະສອງຝ່າຍ

ລມຕ ຕ່າງປະເທດ ລາວ - ຣັດເຊຍ ພົບປະສອງຝ່າຍ

​ໃນ​ວັນ​ທີ 10 ກໍລະກົດ ນີ້ ທີ່ ກົວລາລໍາເປີ ປະເທດມາເລເຊຍ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ​ໄດ້​ພົບ​ປະ​ປຶກສາຫາລືສອງຝ່າຍ​ ກັບ ທ່ານ ເຊຣເກ ລາວະຣົບ ລັດຖະມົນຕີກະຊວງການຕ່າງປະເທດ ແຫ່ງ ສະຫະພັນ ຣັດເຊຍ ໃນໂອກາດນຳພາຄະນະຜູ້ແທນລາວ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ (AMM) ຄັ້ງທີ 58 ທີ່ ມາເລເຊຍ.
ເລັ່ງດັດແກ້ໃບຕາດິນທີ່ໄດ້ຮັບຜົນກະທົບຈາກໂຄງການທາງລົດໄຟລາວ - ຈີນ ໃຫ້ສໍາເລັດໃນເດືອນສິງຫານີ້

ເລັ່ງດັດແກ້ໃບຕາດິນທີ່ໄດ້ຮັບຜົນກະທົບຈາກໂຄງການທາງລົດໄຟລາວ - ຈີນ ໃຫ້ສໍາເລັດໃນເດືອນສິງຫານີ້

ໃນວາລະການດຳເນີນກອງປະຊຸມສະໄໝາສາມັນ ເທື່ອ 9 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II, ໃນວັນທີ 9 ກໍລະກົດ ຜ່ານມານີ້ ໂດຍການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ, ທ່ານ ອະໂນໄທ ຈັນທະລາສີ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ
ລາວ ແລະ ນອກແວ ປຶກສາຫາລືເພື່ອເສີມຂະຫຍາຍການພົວພັນຮ່ວມມື

ລາວ ແລະ ນອກແວ ປຶກສາຫາລືເພື່ອເສີມຂະຫຍາຍການພົວພັນຮ່ວມມື

ໃນວັນທີ 9 ກໍລະກົດ ຜ່ານມານີ້, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ອານເດຣອັສ ມົດສະເຟ ຄຣາວິກ (Andreas Motzfeldt Kravik) ຮອງລັດຖະມົນຕີກະຊວງການຕ່າງປະເທດ ແຫ່ງ ຣາຊອານາຈັກ ນອກແວ ໃນໂອກາດເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 58 ແລະ ບັນດາກອງປະຊຸມລັດຖະ ມົນຕີທີ່ກ່ຽວຂ້ອງ ໃນວັນທີ 8-11 ກໍລະກົດ 2025 ທີ່ ກົວລາລໍາເປີ ປະເທດມາເລເຊຍ.
ທູດລາວ ປະຈໍາຍີ່ປຸ່ນ ຮັບຕ້ອນ ອະດີດອາສາສະໝັກ JICA

ທູດລາວ ປະຈໍາຍີ່ປຸ່ນ ຮັບຕ້ອນ ອະດີດອາສາສະໝັກ JICA

ຫວ່າງມໍ່ໆມານີ້, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ຍີ່ປຸ່ນ, ທ່ານ ອໍາໄພ ກິນດາວົງ ເອກອັກຄະລັດຖະທູດ ແຫ່ງ ສປປ ລາວ ປະຈໍາ ຍີ່ປຸ່ນ ແລະ ຄະນະ ໄດ້ຮັບຕ້ອນ ແລະ ພົບປະກັບທ່ານ ONISHI Norio ອະດີດອາສາສະໝັກ JICA ຊຸດທໍາອິດທີ່ລັດຖະບານຍີ່ປຸ່ນໄດ້ສົ່ງອາສາສະໝັກມາປະຈໍາຢູ່ ສປປ ລາວ ໃນປີ 1965 ພ້ອມດ້ວຍ ທ່ານ TAKAHATA Tsuneo ອະດີດຫົວໜ້າຫ້ອງການຜູ້ຕາງໜ້າອົງການ JICA ປະຈໍາ ສປປ ລາວ ຜູ້ທໍາອິດ ໃນປີ 1996 ທັງເປັນອະດີດອາສາສະໝັກ JICA ໃນປີ 1970 ແລະ ທ່ານ KATO Tomoaki ອະດີດອາສາສະໝັກ JICA, ທັງເປັນປະທານອະດີດອາສາສະໝັກ JICA ເຂົ້າຮ່ວມ.
ເພີ່ມເຕີມ